Notturno di Salvatore di Giacomo

POESIA DI SALVATORE DI GIACOMO

Ritratto di Salvatore Di Giacomo

PIANEFFORTE 'E NOTTE

Nu pianefforte ‘e notte sona luntanamente, e 'a musica se sente pe ll’aria suspirà. È ll’una: dorme ‘o vico ncopp’a sta nonna nonna ‘e nu mutivo antico ‘e tanto tiempo fa. Dio, quanta stelle 'n cielo! che luna! E c'aria doce! quanto na bella voce vurria sentì cantà! Ma sulitario e lento more ‘o mutivo antico; se fa cchiù cupo o vico dint’all’oscurità.

Ll’anema mia sultanto rummane a sta fenesta. Aspetta ancora. E resta, ncantannose, a penzà.